In 5tam Novembris Gray, Thomas, 1716-1771 Alexander Huber Editor Göttingen State and University Library, University of Göttingen
Historic Building Papendiek 14 D-37073 Göttingen Germany
Thomas Gray Archive
Taylor Institution Library St Giles' Oxford OX1 3NA UK info@thomasgray.org https://www.thomasgray.org/
Oxford This work is licensed under a Creative Commons Attribution-ShareAlike 3.0 Unported License. MS. LC.II.86, Pembroke College Library, Cambridge

This e-text is part of the Primary Texts section of the Thomas Gray Archive.

XML created for the Thomas Gray Archive.

Spelling has been modernized throughout, except in case of conscious archaisms. Contractions, italics and initial capitalization have been largely eliminated, except where of real import. Obvious errors have been silently corrected, punctuation has been supplied. The editor would like to express his gratitude to the library staff of the Göttingen State and University Library (SUB Göttingen) for their invaluable assistance.

Library of Congress Name Authority File (LCNAF) text-indent: 1em; margin-bottom: 1em; text-align: center; text-align: right; text-align: left; display: inline font-style: italic;
In 5tam Novembris Lis anceps, multosque diu protracta per annos, judice nec facile dissoluenda fuit; Cui tribuenda modo sceleratae premia palmae? quem merito tantus nobilitaret honos? Multa sibi Romae saevi ascivere tyranni, multa sibi primus, posteriorque Nero: Qui retulit praedam nostro de litore Conchas: quem dedit ex pura Flavia stirpe domus: Multa sibi Phalaris petiit, Trinacria pestis; diraque causa tui, magna Diana, rogi: Quaeque referre mora est, portenta replentia famae invitae annales, crimine nota suo. At demum innumeris belli Anglia clara triumphis militis ostentat parta tropaea manu; Nec satis est, gemina palma insignita nitere artibus et bellis, orbis et esse decus; Accedat nactae sceleris nisi gloria famae, et laudis numeros impleat illa suae: Ex natis surgit mens aspernata priores, et tentare novas ingeniosa vias, Quae caecis novit Martem sepelire latebris, tectosque a visu Solis habere dolos; Scilicet, ut fallat, non ire in viscera terrae, non dubitat simili clade vel ipse mori. Jamque incepit opus: careat successibus, opto; et vetet inceptum Fors, precor, istud opus: Nec frustra; effulget subito lux aurea caeli, (aspice) rimanti dum domus atra patet; Reclusamque vides fraudem, letique labores, antraque miraris sulphure foeta suo: Quod si venturi haec armamentaria fati panderat haud sacri gratia dia poli; Jure scelus se jactaret, procerumque ruina tantum una gentem perdomuisse manu.