[Paraphrase of Psalm LXXXIV]Gray, Thomas, 1716-1771Alexander HuberEditorGöttingen State and University Library, University of GöttingenHistoric BuildingPapendiek 14D-37073 GöttingenGermanyThomas Gray ArchiveTaylor Institution LibrarySt Giles'Oxford OX1 3NAUKinfo@thomasgray.orghttps://www.thomasgray.org/OxfordThis work is licensed under a Creative Commons Attribution-ShareAlike 3.0 Unported License.Mitford's Note-book (vol. iii, ff. 67-9)
This e-text is part of the Primary Texts section of the Thomas Gray Archive.
XML created for the Thomas Gray Archive.
Spelling has been modernized throughout, except in case of conscious archaisms.
Contractions, italics and initial capitalization have been largely eliminated,
except where of real import. Obvious errors have been silently corrected,
punctuation has been supplied.
The editor would like to express his gratitude to the library staff of the
Göttingen State and
University Library (SUB Göttingen) for their invaluable assistance.
Library of Congress Name Authority File (LCNAF)text-indent: 1em;margin-bottom: 1em;text-align: center;text-align: right;text-align: left;display: inlinefont-style: italic;
[Paraphrase of Psalm LXXXIV]
Oh! Tecta, mentis dulcis amor meae!Oh! Summa Sancti Relligio loci! Quae me laborantem perurit Sacra fames, et amoenus ardor?Praeceps volentem quo rapit impetus!Ad limen altum tendo avidas Manus. Dum Lingua frustratur precantem, Cor tacitum mihi clamat intus.Illic loquacem composuit Domum,Laresque parvos Numinis in fidem Praesentioris credit Ales Veris amans, vetus Hospes arae:Beatus Ales! sed magis incolaQuem vidit aedes ante [Focos Dei] Cultu ministrantem perenni Quique sacra requievit umbra.Bis terque felix qui melius DeoTemplum sub imo Pectore consecrat; Huic vivida affulget voluptas Et liquidi sine Nube Soles.Integriori fonte fluentiaMentem piorum gaudia recreant, Quod si datur lugere, quiddam Dulce ferens venit ipse luctus.Virtute virtus, firmior evenitNascente semper, semper amabili, AEterna crescit, seque in horas Subjiciit per aperta Caeli.Me, dedicatum qui Genus, et tuaeJudaeae habenas tempero, Regio Madens Olivo, dexter audi Nec libeat repulisse Regem.Lux una Sanctis quae foribus deditHaerere amatae Limine Januae, Lux inter extremas Columnas Candidius mihi ridet una,Quam Seculorum Secula BarbarosInter Penates sub trabe gemmea Fastus Tyrannorum, brevesque Delicias, et amoena Regni:Feliciori flumine CopiamPronaque dextra Caelicolum Pater Elargietur, porrigetque Divitias diuturniores.